21:35ean
'Goenkale'ko Alizia eta Axun 'Kontrako Eztarrian' izango dira gaur
A.A.
EiTB
Tessa Andonegi eta Karmele Larrinaga izango dituzte gonbidatu gaur ETB1eko saiorik umoretsuenean. Euzkitze, Platz, Alkain eta Galartzaren galderei erantzungo diete 'Goenkale'ko bi neskek.
Tessa Andonegi, Alizia
'Goenkale'ko Alizia eta Axun bisitari izango dituzte gaur iluntzean 'Kontrako Eztarria' saioan. Tessa Andonegi eta Karmele Larrinaga aktoreek ematen diete bizia 'Goenkale'ko pertsonaia maitatuenetakoak diren bi horiei, eta gaur Euzkitze, Platz, Alkain eta Galartzarekin batera ikusiko ditugu, haien galderei erantzunez, 21:35etik aurrera.
Alizia garai latza pasatzen ari da 'Goenkale'n. Kandidok dibortzioa eskatuko dio gaurko atalean, eta ez du unerik onena bizi. Axunek, berriz, nahikoa lan dauka Sabinekin. Honek Luperekin harreman bat hastea nahi du, baina Asierrek aurrea hartu dio Sabini eta Axun haserre dabil.
Gaur iluntzean 'Kontrako Eztarria' saioan kontatuko dituzte 'Goenkale'ko grabazioen sekretuak.