Gaur gauean
Abel Barriola eta Andoni Aretxabaleta, 'Kontrako Eztarria' saioan
A.E.
EiTB
Binakako Txapelketako finaleko bi atzelariak elkarrizketatuko dituzte.
Gaur gauean, 'Kontrako Eztarria' saioak Abel Barriola eta Andoni Aretxabaleta pilotariak hartuko ditu. Leitzarra eta markinarra eskuz binakako finalean aurkari izan ziren, atzelari postuan jokatuz. Aretxabaletak txapelketan debutatu du, Olaizolarekin bikotea osatuz; Barriolak, berriz, binakako lehenengo txapela jantzi zuen igandean, Irujorekin batera.
Bi gonbidatuek 'Kontrako Eztarria' saioko lagunen (Anjel Alkain, Xabier Euzkitze, Jon Plazaola, Iker Galarza eta konpainia) ateraldiei egin beharko diete aurre.
'Kontrako Eztarria' 21:40an izango da ikusgai, ETB1en.