'Merlí' bueltan da, gaur gauean, ETB1en eta eitb.eus-en

Gaurtik aurrera 'Merlí' telesailaren hirugarren denboraldia eskainiko du ETB1ek. Neguko oporren ostean, Merli eta bere ikasleak institutura itzuliko dira eta geroz eta gertuago izango dute selektibitatea.

Bigarren denboraldiko hainbat trama berreskuratuko ditu hirugarren denboraldi honek, eta bi pertsonaia berri ikusiko ditugu, bi irakasle, hain zuzen ere: Gabi, Literaturako irakasle gaztea, eta Silvana, Historiako irakaslea. Azken horrek Merli jeloskor jarriko du ikasleekin duen gertatutasunagatik.

Lehen atalean, klasera itzuliko dira ikasle eta irakasleak. Lehen egun hauetan, Merli oso pozik egongo da Historiako irakasle berriarekin, Silvanarekin. Bestalde, Polek erabaki arriskutsuak hartuko ditu bere familia ekonomikoki laguntzeko, eta Marcek ez du bere aita etxera itzultzerik nahi izango.

'Merlí' igandero izango da ETB1en eta eitb.eus-en ikusgai, 21:00etatik aurrera.