23:10ean
'Nago' gazteen gauean murgilduko da, gaur
A.H.
EITB
Giro ezberdinetan mugitzen diren gazteekin izango da Nagore Aranburu, baita gurasoekin ere. Ba al dakite zer egiten duten euren seme-alabek gauetan?
Your browser doesn’t support HTML5 video
Giro desberdinetan mugitzen diren hainbat gazte talderengana joko du Nagore Aranburuk gaur gauean, eta hainbat galderari erantzuna ematen ahaleginduko da: Zer egiten dute gure gazteek gauetan? Nola dibertitzen dira? Nora jotzen dute dibertsio bila? Zer kontsumitzen dute? Nola erlazionatzen dira?
Besteak beste, ostegunero Villabonako pintxo-potea egiten duen gazte koadrila batekin izango da, Beasainen lokala alokatuta duen talde batekin, Bilboko ikasle pisu batean bizi diren lagunekin eta Zaldibiako neska koadrila batekin.
Tartean, hiru gurasorekin hitz egiteko denbora ere hartuko du Nagorek Bergaran. Zer pentsatzen dute euren seme-alaba nerabeek duten dibertitzeko moduei buruz? Zerk kezkatzen ditu?
'Nago' gaur izango da ikusgai, 23:10etik aurrera, ETB1en.