Azpeitira joango da gaurko 'Nor Bere Saltsan' saioa

'Nor bere saltsan' saioko furgonetak Gipuzkoarako bidea hartuko du eta, gaurko saioan, Azpeitira abiatuko da bertako jaietako bakailao lehiaketan parte hartzeko.

Aixerrotako jendetzaren ondoren, askoz lasaiagoa ematen du txapelketa honek: lehiakide gutxiago eta errezeta errazagoa, itxuraz. Baina, bakailaoak ere bere sekretuak ditu, batez ere pil-pil erara prestatu behar denean.

Esperientzia eta pazientzia ezinbestekoak dira bakailaoa egiterako orduan, eta 'Nor Bere Saltsan' saioko protagonistek aldez aurretik onartuko dute, ez direla bereziki trebeak pil-pil saltsa prestatzen.

'Nor Bere Saltsan' asteazkenero izaten da ikusgai, 22:15ean, ETB1en eta eitb.eus-en.