Uraren balioaz 'Teknopolis' saioan

'Ura bai beharrezkoa' da 'Teknopolis' saioaren erreportajearen lehen gaia aste honetan. Urre urdina da, gure izatearen esentzia gordina, bizitza ematen diguna, egarri ase, elikatu eta garbitu, ekoitzi eta sortu. Iturria zabaldu baino ez dugu eskuratzeko, eta horrek agian balioa kendu dio, eta ahaztu egiten zaigu zeinen urria eta kaltebera den.

Motorren mundura eramango zaituzte aste honetako Ktek tarteak. Izan ere, Nagore Rementeria Olaberriko Karting-era hurbildu da, auto txiki eta bizi horien atzean dagoen teknologia ezagutzeko helburuarekin.

Azkenik eguzkiari erreparatuko dio 'Teknopoli'ek . Orain hiru urte jaurti zuten espaziora, SDO satelitea, eguzkia ikertzeko espazioko behatokia.

Eguzkian gertatzen diren fenomeno guztiak ikertzen eta jasotzen ditu sateliteak, eta hiru urtean irudi ikusgarriak lortu ditu.

Teknopolis astelehenean 23:15ean dago ikusgai ETB-1en eta asteazkenean ETB-2n 00:30ean.