ETB1en eta ETB2n
Parasitoen munduan barrena, aste honetako 'Teknopolis'en
EITB
Gure inguruko parasito ohikoenak ezagutzeko, Basurtuko Ospitalera joango dira, eta horrez gain, Neiker-Tecnalian egiten dituzten ikerketen berri emango dute.
Iñaki Leturia
Parasitoen munduan murgilduko da aste honetako 'Teknopolis' saioa. Definizioz, beste baten bizkarrean bizi den izakia da parasitoa, eta horrelakoak pairatzen dituzte bai landareek, bai animaliek eta baita gizakiek ere. 'Teknopolis' Basurtuko Ospitalera joango da, gure inguruan izaten diren parasito ohikoenak ezagutzeko asmoarekin, eta hainbat bitxikeria ezagutuko ditu.
Horrez gain, parasitoek nekazari eta ganaduzaleen ekonomian kalterik egin ez dezaten, Neiker-Tecnalian egiten dituzten ikerketen berri emango dute: ardien eta oloaren inguruko azterketa batzuen berri, besteak beste.
'Teknopolis' gaur izango da ikusgai, 13:30etik aurrera, ETB1en, eta igandean, 09:30etik aurrera, ETB2n.
ng>