Sariak
ON Zientzia lehiaketaren sari-banaketa berezia, gaur, "Teknopolis" saioan
EiTB
Gainera, arkitekturan erabiltzen den BIM teknologiaz solastatuko dira.
Iñaki Leturia On Zientzia sari-banaketan. EiTBko bideo batetik lortutako irudia.
ON Zientzia lehiaketaren hamargarren urteurreneko sariak banatzeko ekitaldia ospakizun berezia izatekoa zen, baina ezohiko osasun-egoerak ezohiko ekitaldi bat ekarriko du: ON Zientzia bideo laburren lehiaketako irabazleak aste honetako "Teknopolis" saioan emango dituzte aditzera. Bideo onenak eskainiko dituzte eta irabazleak zoriontzeko aukera ere izango dute, pantailatik pantailara bada ere.
Horretaz gain, arkitekturaz ere arituko dira. Atzean geratu ziren papereko planoak. Gaur egun, teknologia berriak uztartuz, BIM deiturikoa erabiltzen da. Eraikuntzan parte hartuko duten guztien ekarpenak jasotzen dira bertan; lankidetza lana da, beraz. Lanbide Heziketan ikasleak metodologia horretan trebatzeko prestatu dira.
"Teknopolis" saioa, larunbatean izango da ikusgai, 13:30ean, ETB1en, eta igandean, ordu berean, ETB2n. Bi emanaldiak eitb.eus-en ere jarraitu ahalko dira.