21:30ean
Ana Goitia kazetaria eta Ainhoa Etxebarria aktorea "Udak Dakarrena" saioan, gaur gauean
EITB Media
Lekeitiotik aurkeztuko du aste honetako azken saioa Julian Iantzik.
Ana Goitia hartuko dute "Udak Dakarrena" saioan. EITB Mediako bideo batetik hartutako irudia
Ana Goitia kazetari eta moda adituak freskotasuna eta txispa jarriko dio gaurko "Udak Dakarrena" saioari. Ondoan izango du Ainhoa Etxebarria aktorea. Esku artean dituen proiektuei buruz hitz egingo dugu berarekin.
Emakume Master Cup-eko finalean parte hartuko duen Arrate Bergara pelotariarekin hitz egingo dute, halaber, finalaren aurrean nola dagoen jakite aldera.
Ibon Lasuen Abadiñoko baserritarraren bisita ere izango dute eta bere lanaz eta ekoizten dituzten produktuez hitz egingo dute.
Mikel Garaizabal enologo ezagunarekin berriz, uda garairako aproposak diren hainbat edariri buruz hitz egingo dugu eta hainbat edariren inguruko sekretuei buruz galdetuko diote.
Lezamatik etorriko den Xabier Iriarte abeslariak jarriko dio musika uztaileko azkeneko "Udak Dakarrena" saioari, 21:30ean ETB1en eta eitb.eus.en.