21:30ean
Fariba Sheikhan antzezlearekin solasalditxoa, gaur, "Udak Dakarrena" saioan
EITB Media
Xubane Uribarrena, Ianire Aranzabel, Arnaitz Fernández, Joseina Etxeberria eta Fernando Alberdi ere izango ditu gonbidatu Julian Iantzik.
Fariba Sheikhan '3txulo' saioan. Argazkia: EITB Media
Gaur, Julian Iantzik gidatzen duen "Udak Dakarrena" saioan Fariba Sheikhan aktorea izango dute gonbidatu. Gernikarrak bere azken lanen berri emango du. Ondoren, Xubane Uribarrena Donostia Arraun Laguna elkarteko arraunlariak irabazi berri duten ligaren inguruan hitz egingo du. Gainera, Donostian ezarritako setean, Ianire Aranzabel abeslariak pare bat kanta eskainiko ditu zuzenean.
Bestalde, Arnaitz Fernández meteorologoak udaren nondik norakoak kontatuko dizkigu eta Joseina Etxeberria irrati esatariak bere ibilbideaz eta bizitzen ari den udaz hitz egingo du.
Bukatzeko, Fernando Alberdi Dona Doni izozki dendako arduradunak bere gutiziarik onenak eramango ditu platora.
"Udak Dakarrena" astelehenetik ostegunera izan ohi da ikusgai, zuzenean, 21:30etik aurrera, ETB1en eta eitb.eus-en.