22:30ean
Drogen munduan murgilduko da gaurko 'Ur Handitan'
EITB
Euskal Herrian dagoen droga kontsumoa eta legezko zein legez kanpoko drogen eraginak aztertuko ditu Jaime Otamendik gidatzen duen saioak.
Your browser doesn’t support HTML5 video
Gaur gaueko 'Ur Handitan' saioak Euskal Herrian dagoen droga kontsumoa ezagutu nahi izango du. Gurean dauden droga-joerak aztertuko ditu, legezko zein legez kanpoko drogak. Alkoholak, tabakoak, botikek eta beste hainbatek gizabanakoan zein gizartean duten eragina aztertuko du Jaime Otamendik.
Hasteko, Ai laket!! droga-erabiltzaileen elkartean izango dira, Ertzaintzaren droga-kontrolak ezagutuko dituzte eta komunitate terapeutiko batean droga-arazoak dauzkaten pertsonen testigantza jasoko dute.
Horrez gainera, drogen fenomenoa aztertuko dute zenbait aditurekin. Estibaliz Barron Gizakia Fundazioko zuzendaria, Koldo Gorostiaga farmazialaria, Jon Ander Bilbao psikiatra, Xabier Arana ikertzaile doktorea Kriminologia Institutuan, eta Joseba Bidaurrazaga mediku naturista hartuko dituzte gaurko 'Ur Handitan' saioan.
'Ur Handitan' gaur 22:25etik aurrera izango da ikusgai, ETB1en.
1en.