Abian da "Ztanda"ren online castinga!

"Ztanda" musika talent-showaren 12 lehiakide aukeratzeko aurrez-aurreko castingak egin dira jada. Alabaina, aukera berri bat duzu online castingaren bitartez, eta hala, "Ztanda"ren 13. lehiakidea bihur zaitezke. Horretarako nahikoa duzu zure kanturako dohainak erakustea.

Nola egin, ordea? A capela kantuan agertzen zaren bideo bat igo Instagram edo TikTokeko zure kontura #ZtandaETB traolarekin, eta @Ztanda_etb etiketatuz. Kontuan izan parte hartu ahal izateko profil publikoa izan behar duzula. Jasotzen ditugun bideo guztien artean, bat aukeratuko dugu eta zuzenean "Ztanda"ren 2. denboraldiko lehiakide bihurtuko da.

Jarraitu beharreko pausuak laburbilduko ditugu:

1. Grabatu kanta bat a capela.
2. Igo Instagramera edo Tiktokera #ZtandaETB traolarekin eta etiketatu @Ztanda_etb.
3. Gogoratu, profil publikoa izan behar duzu.
4. Eta azkenik, jarraitu @Ztanda_etb profila nobedade guztien berri izateko.

Milaka pertsonaren aurrean kantatzearekin amets egin baduzu, txikitako desioa abeslari izatea bada, edo Euskal Herriko ahots berria izan nahi baduzu, hemen duzu abesteko gaitasuna eta talentua erakusteko aukera paregabea. "Ztanda" saioko 13. lehiakidea izan zaitezke, eta nork daki, agian bigarren edizioko irabazlea. Adi! Ahots onenak 15.000 euroko saria eskuratuko du.

Zu zeu izan zaitezke euskal kantagintzaren izar berria! Parte hartu online castingean eta bete zure ametsa!