Hartuko al zenuke parte sufritzea helburu duen telebista saio batean?

Amaia Artetxe izango dugu astelehenero legez 'Zuek Hor eta Gu Hemen' saioan, ETBn zer atalean. Telebistako saio berriak, txutxu-mutxuak, joerak… denetarik kontatzen digu. Gaurkoan telebista-saio sufrikarioez arituko da. Izan ere, parte-hartzaileak benetan sufritzen duten telebista-saio ugari baitago nazioartean. Gainera, ETBn bertan, 'Hitzetik Hortzera' saioak zilarrezko ezteiak egiten dituela eta, bertako nobedadeak ere erakutsiko dizkigu.

Agurne Anasagastik gidatuko du tertuliarako tartea, eta dagoeneko ezagunak ditugun hiru tertuliakide izango ditugu mahaiaren inguruan: Peio Zabala, Maitena Salinas eta Judas Arrieta. Aktualitateko kontu eta bitxikeriak aipatuko dituzte. Gainera, Peio Zabalak asteko eguraldiaren berri emango digu.

Astelehenero bezala, lehiaketa berri bat abiatuko dugu. Asma ezazue zein den fraideek ahopean kantatzen duten abestia eta ostiraleko zozketan parte hartuko duzue! Aste honetan, Debako Aisia hotelean asteburu-pasa eder bat zozkatuko dugu. Bidali erantzuna eta izen-abizenak WhatsApp bidez 605779540 telefono-zenbakira!