Iro Landaluzek perretxiko bilketa masiboen helburua azalduko digu

Asteartea asteko egunik gogorrena dela diote, baina 'Zuek hor eta gu hemen' dagoenetik ez dago egun gogorrik! Eta zer dago astearteetan gurean? Iro Landaluze eta bere Perretxikokeriak! Aste honetan, perretxikoen bilketa masifikatuei buruz arituko zaigu berriketan. Izan ere, beste herrialde batzuetatik etortzen dira gurera perretxikoak biltzera. Zein helburu dute bilketa erraldoi horiek?

Agurne Anasagasti ere lagun talde bikainarekin etorriko da. Iro Landaluze, Mikel Goñi eta Edurne Garmendia bilduko ditu mahaiaren inguruan eguneko albiste eta gaiei inguruan hitz egiteko asmoz.

Lehiaketa bikain bat ere badugu aste honetan. Debako Aisia talasoterapian asteburu bat pasatzeko aukera izango duzue: bi gau, gosaria eta talasoterapiarako sarrera barne! Ba al dakizue zein den fraideek ahopean kantatzen duten abestia? Bidali erantzuna eta izen-abizenak, WhatsApp bidez 605779540 zenbakira, eta ostiralean egingo dugun zozketan parte hartuko duzue zuzenean!