Aurrerapena
Vendetta talde nafarra izango dugu gonbidatu 'Zuek hor' saioan
EiTB
Astearen erdira iritsita, gaur, asteazkenero legez, asteburuari begira jarriko gara. Maria Amolategik Euskal Herriko eta nazioarteko musika albiste eta nobedadeen berri emango digu. Gaurkoan etxeko talde bat ekarriko digu Amolategik: Vendetta. 13 balas disko berria kaleratzeko zorian daude, eta 'Zuek hor eta gu hemen' saiorako espresuki egin duten "La Tomasa" abestiaren bertsio bat eskainiko digute zuzenean.
Euskara munduan izeneko dokumentala estreinatuko da gaur ETB1en. Iñigo Asensioren dokumentala da berau, eta 'Zuek hor eta gu hemen' saiora etorriko da dokumentalaren inguruan hitz egitera. Mundu osoan zehar bidaiatu du, euskaldunak eta euskararekin lotura duen pertsonak elkarrizketatzeko…
Asteazkena egun aproposa da tertulia apur bat izateko, ezta? Beti bezala, Agurne Anasagastik gidatuko du tarte hau. Nagore Osoro, Haritz Gallastegi eta Manu Maritxalar izango ditu berbalagun mahaiaren inguruan.
Bestalde, tablet zoragarri bat irabazi nahi? Ba al dakizue fraideek ahopean abesten duten kanta zein den? Bidali erantzuna eta izen-abizenak 605779540 telefono-zenbakira WhatsApp bidez, eta ostiraleko zozketan parte hartuko duzu!
Hori guztia eta askoz gehiago, 15:40tik aurrera, ETB1en!