Bergarako pintxo-potean izan zen Paulino

Iritsi da osteguna 'Zuek Hor' saiora. Asteburua bertan dela, umorearekin heldu beharko diogu, ezta? Horretarako mundiala Paulino eta bere paulipotea! Joan den astean Bergaran izan zen pintxo-potea grabatzen. Gainera, Paulino platoan egongo da, eta joan den asteko tortilla berezia egingo dute. Alkain, Galartza, Aitziber, Paulino, Agurne eta Jon Urbieta arrautzak egosiak ala gordinik dauden asmatu nahian ibiliko dira. Ruleta trukatua zegoela eman arren, ez zela ala izan erakutsiko dute aste honetan.

Agurne Anasagastirekin tertulia "bastante interesantea" egitera etorriko dira ostegunetan ohiko bihurtu diren Reyes Prados, Mikel Elizegi eta Maitena Salinas.

Eta gogoratu! Azken eguna izango da gure lehiaketan parte hartzeko! Ba al dakizu zein den fraideek ahopean abesten duten kanta? Hala bada, bidali mezu bat WhatsApp bidez 605779540 telefono zenbakira, abestiaren izenburua eta zuen izen-abizenak jarriz, eta ostiralean Orioko Aisia hotelean bi lagunentzako asteburu zoragarri bat irabazteko zozketan parte hartuko duzu!