Jose Mari Olasagasti aizkolaria, gaur gauean, 'Zuek Hor!!' saioan

Jose Mari Olasagasti aizkolaria izango da gonbidatu gaur 'Zuek Hor!!' saioan. Hainbat saiakeraren ostean, hirugarrengoan akordio batera iritsi dira, eta datorren otsailean Aitzol Atutxa gaztearen aurka apustu handia jokatuko du.

Azken urteotan, aizkolaritzaren munduan apustu ugari egin izan ditu, Arria V.a, Rekondo eta Irazuren aurka jokatutakoak, esaterako. Aizkolari txapelketetan ere, askotan izan da Euskal Herriko eta Gipuzkoako txapeldun.

Ibon Gaztañazpik eta Marta Elvirak aurkezten duten saioak, gainera, ohiko pertsonaien bisita jasoko du: Andoitz eta Gorane haurrak, La Jaio txoni zarbasta, Boiseko bikotea eta azafata bereziak, besteak beste.

Maddalen Arzallus bertsolariak biribilduko du saioa. Elkarrizketan zehar gonbidatuak aitortu dituen bitxikeriekin bertso-bertsio musikatu bat egingo du zuzenean Zukutu Band taldearen ezinbesteko laguntzarekin.

'Zuek Hor!!' astearteetan ematen da, 22:00etatik aurrera, ETB1en.