Trafikoa
AP-1 autobidea itxita, Eskoriatza parean, luizi baten ondorioz
EITB.EUS
2024/04/03
Bitartean, GI-627 errepidetik ari dira zirkulazioa bideratzen. Herri Lanetatik jakinarazi dutenez, gauerdi inguruan irekiko dute errei bat.
121 kilometroan izan da luizia. Argazkia: @juajoxe
AP-1 autobidea itxita dago 12:00etatik, Eskoriatza (Gipuzkoa) parean jazo den luizi baten ondorioz, Eusko Jaurlaritzako Trafiko Zuzendaritzak eitb.eus-i jakinarazi dionez.
Azken egunetan izandako euri-jasen ondorioz, autobidearen ondoko mendi-hegaleko lurra bidera erori da, 121. kilometroan, eta, hortaz, bi noranzkoetan itxi behar izan dute.
Zirkulazioa GI-627 errepidetik ari da bideratzen Ertzaintza, eta auto-ilarak sortu dira bi noranzkoetan.
Herri Lanetatik jakinarazi dutenez, 00:00 eta goizaldeko 02:00ak artean irekiko dute errepideko errei bat.